«Վրաստանի պետական էլեկտրահամակարգ» բաժնետիրական ընկերությունը սկսել է տրանզիտային միջանցքի գործառույթներ իրականացնել երկու ուղղություններով՝ Ռուսաստանից Հայաստան և Ադրբեջանից Թուրքիա: Այս մասին հաղորդում է Turan գործակալությունը:
Փետրվարի 5-ին սկսվել է էլեկտրաէներգիայի փոխադրումը Ռուսաստանից Հայաստան, որտեղ մեկ օրում միջինը տեղափոխվում է 30 մեգավատ հզորությամբ էլեկտրաէներգիա: Իսկ փետրվարի 7-ին սկսվել է Ադրբեջանից Թուրքիա էլեկտրաէներգիայի փոխանցումը 80 մեգավատ հզորությամբ:
Երկու տրանզիտների իրականացման արդյունքում Վրաստանը ամսական կստանա շուրջ 1 մլն լարի (շուրջ 250 հազար դոլար) եկամուտ:
Պատրաստեց՝ Վիկտորյա ԱՆԴՐԵԱՍՅԱՆԸ
