ՀՀ Ազգային ժողովի նախկին պատգամավոր Հակոբ Հակոբյանը ցեղասպանության թեմայով իր աղմկահարույց «Հիշողություն» ֆիլմից հետո մտադիր է մի ֆիլմ էլ նկարել: Ինչպես ինքն է ասում՝ իտալացի կույսերի մասին:
Aravot.am-ի հետ զրույցում նա որոշ փակագծեր բացեց. «Ֆիլմը Գրիգոր Լուսավորչի մասին է ու այն մասին, թե ինչպես են իտալացի կույսերը Հայաստանում քարոզել: Գեղարվեստական ֆիլմ է, տեսնենք «Հիշողություն» ֆիլմը ինչ հաջողություն կունենա, նոր կանցնենք մյուսին»:
Մեր հարցին՝ ովքե՞ր են իտալացի կույսերը, Հակոբ Հակոբյանը պատասխանեց՝ Գայանեն, Շողակաթը, Հռիփսիմեն: Այսինքն` նկատի ուներ Հռիփսիմյանց կույսերին, որոնք ըստ ավանդության , վանական կյանք են վարել Հռոմում՝ իրենց մայրապետ Գայանե կույսի առաջնորդությամբ, ու Հռոմեացի Դիոկղետիանոս կայսրի (284–305) հալածանքներից խուսափելով` ապաստանել Վաղարշապատում: Իրականում, 4-րդ դարում Իտալիա պետություն, որպես այդպիսի գոյություն չի ունեցել, եւ Հակոբ Հակոբյանի պատկերացրած իտալացի կույսերն էլ բնավ իտալացիներ չեն եղել:
«Հիմա սցենարի վրա 3-4 մարդ աշխատում է, վերջում կընտրենք ամենահաջողված տարբերակը: Ես միտքը տալիս եմ, մանրամասները, ամեն ինչը, իրենք նստած աշխատում են»,- Aravot.am-ին ասաց նորաթուխ կինոգործիչը:
Կարդացեք նաև
Գոհար ՀԱԿՈԲՅԱՆ
