Մալաթիա-Սեբաստիա վարչական շրջանների ընդհանուր իրավասության դատարանում դատավոր Պապոյանի նախագահությամբ սկսվել է Վարդանուշ Աթեյանի գործով դատաքննությունը: Վարդանուշ Աթեյանին մեղադրանք է առաջադրվել քրեական օրենսգրքի 153 հոդվածով: Նա 06.12.2015թ մասնակցելով ՀՀ Սահմանադրության փոփոխությունների հանրաքվեին, լինելով 8/20 ընտրատեղամասի հանձնաժողովի կազմում, Օգանովի 80շ 30 բնակարանում հաշվառված անձանց տվյալների դիմաց կատարել է գրառում նշված անձանց փոխարեն, նրանց փոխարեն կատարելով քվեարկություն:
Այսօր Վարդանուշ Աթեյանը միջնորդեց դատարանին արագացված դատաքննության կարգով իրականացնել դատաքննությունը:
Այս պահին դատարանը տասը րոպեով ընդմիջել է դատական նիստը, որ համոզվի, թե մեղադրյալը լիովին հասկանում է արագացված դատաքննության հետեւանքները: Այս կարգով դատաքննության ընթացքում դատարանը չի հետազոտելու ապացույցները եւ մեղադրյալը դատավճիռը բողոքարկելու հնարավորություն չի ունենա:
Վարդանուշ Աթեյանը դատարանում խոստովանեց, որ իրեն մեղավոր է ճանաչում, ապա ներկայացրեց իր առողջականին վերաբերող տվյալներ, ասաց՝ հոգեպես առողջ է, ֆիզիկապես՝ վատառողջ:
Նշենք, որ դատական նիստին ներկայացել են այս գործով երեք վկաները:
Մեղադրյալի պաշտպանը դատարանին ներկայացրեց նաեւ բնութագիր՝ իր աշխատավայրից՝ համատիրությունից, նրա ընտանիքի կազմին, առողջությանը վերաբերող այլ տվյալներ: Մասնավորապես, որ իր խնամքի տակ է հաշմանդամ ամուսինը ու ինքն էլ նույնպես հաշմանդամ է:
Արփինե ՍԻՄՈՆՅԱՆ
