Տավուշի մարզի Բերդի տարածաշրջանի Չինարի համայնքի ղեկավար Սամվել Սաղոյանը վրդովված էր, որ Аravot.am-ի էլեկտրոնային փոստին Չինարիից նամակ է ուղարկվել գյուղի դպրոցի աշակերտների թիվը 30-ով նվազելու մասին: Ս. Սաղոյանն ասաց, որ մտածում է այդ նամակ ուղարկողին դատի տալու մասին:
Գյուղապետը հայտնեց, որ 130 աշակերտ Չինարիի դպրոցն ունեցել է 2012 թվականին: Նրա վկայությամբ՝ աշակերտների թիվը, ինչպես Տավուշի մարզի այլ համայնքներում, աստիճանաբար է նվազել, մինչդեռ Aravot.am-ին ուղարկված նամակում ներկայացված է, որ դպրոցի աշակերտների քանակը միանգամից 30-ով է պակասել: Գյուղապետի խոսքերով՝ ներկայումս գյուղի դպրոցի աշակերտների քանակը 99 է:
Ս. Սաղոյանն ասաց, որ աշակերտների թվաքանակի նվազման պատճառով Չինարիի դպրոցում աշխատողների կրճատում չի եղել:
Ոսկան ՍԱՐԳՍՅԱՆ
