Քիչ առաջ ավարտվեց ՀՀԿ գործադիր մարմնի նիստը: Ավելի քան երկու ժամ տեւած նիստից հետո ՀՀԿ խոսնակ Էդուարդ Շարմազանովը լրագրողներին ասաց, որ մանրամասն քննարկել են նոր ընտրական օրենսգրքի վերաբերյալ հարցերը եւ դա էր պատճառը, որ նիստը երկար տեւեց:
«Ձեզ պետք է հիասթափեցնեմ, այսօր ՀՀԿ-ՀՅԴ կոալիցիայի հետ կապված վերջնական որեւէ հարց չենք քննարկել: Քննարկումները շարունակվում են: Եկող շաբաթվա ընթացքում մենք կունենանք հստակություն: Ամեն ինչ լավ է, եղեք լավատես»,- ասաց պարոն Շարմազանովը:
Ըստ նրա, ՀՅԴ-ի հետ համագործակցության հիմքում պաշտոնների բաժանումը չէ, այլ գաղափարախոսության, պատասխանատվության խնդիրը. «Մամուլը մի օր մի բան է գրում, հաջորդ օրը հերքում»:
ՀՀԿ խոսնակի խոսքով, նիստում չեն քննարկել նաեւ ՄԻՊ-ի հարցը, բայց վաղը ՀՀԿ խմբակցության նիստ է լինելու ու վերջնական որոշում այդ հարցում կլինի. «Արդարադատության փոխնախարար Արման Թաթոյանի թեկնածության առաջադրումը մեր կողմից շատ հավանական է»:
Կարդացեք նաև
Արփինե ՍԻՄՈՆՅԱՆ
