Ստրասբուրգի Մարդու իրավունքների եվրոպական դատարանում ԱԺՄ անդամ Լավրենտի Կիրակոսյանի հայցը չի բավարարվել: Որոշումն այսօր հրապարակվել է ՄԻԵԴ-ի կայքում:
Լավրենտի Կիրակոսյանը ձերբակալվել էր 2004թ. ապրիլին Ազատության հրապարակում տեղի ունեցած նստացույցի ժամանակ: Նախ նրա դեմ վարչական վարույթ էր հարուցվել ոստիկանությանը չենթարկվելու համար, և 10 օրով կալանավորվել էր: Այնուհետև նրա տունը երկու անգամ խուզարկվել էր և հայտնաբերվել թմրանյութ: 2004թ. հունիսին նա դատապարտվել էր 1,5 տարվա ազատազրկման, իսկ դեկտեմբերին վաղաժամ պայմանական ազատ էր արձակվել:
Եվրադատարան ներկայացված Կիրակոսյանի հայցում նշվում էր, որ նրա տան խուզարկության ժամանակ տեղի է ունեցել 8-րդ հոդվածի (անձնական և ընտանեկան կյանքի, տան և նամակագրության նկատմամբ հարգանքի իրավունք) և 6 § 1հոդվածի (արդար դատավարության իրավունք) խախտում:
Դատարանը միաձայն որոշել է, որ Կիրակոսյանի տան խուզարկման ժամանակ կատարված քայլերը և նրա դեմ իրականացված դատավարությունը տեղավորվում են օրենքի շրջանակներում:
Կարդացեք նաև
Պատրաստեց՝ Վիկտորյա ԱՆԴՐԵԱՍՅԱՆ
