Նախօրեին տեղի է ունեցել «Շրջադարձ» կուսակցության բարձրագույն ղեկավար մարմնի նիստը, որի ընթացքում, հաշվի առնելով երկրում առկա սոցիալ-տնտեսական ծանրագույն իրավիճակը և, նպատակ հետապնդելով միասնական ուժերով վճռական քայլեր ձեռնարկել Հայաստանի պետական և հանրային կյանքի բոլոր բնագավառներում առաջընթաց զարգացման համար, համաձայն ՀՀ կուսակցությունների մասին օրենքի 19-րդ և 29-րդ հոդվածների, սահմանված կարգով որոշում է կայացվել «Շրջադարձ» կուսակցությունը, վերակազմակերպման միջոցով միաձուլել «Հայկական վերածնունդ միավորում» կուսակցությանը, որի հիմնադիր համագումարը կկայանա ս.թ. փետրվարի 21-ին:
«Հայկական վերածնունդ» հասարակական քաղաքական միավորման մամուլի ծառայություն
«Առավոտի» կողմից հավելենք, որ այս կուսակցությունը ստեղծվել է 2011 թվականի հունվարին, հիմնադիր ղեկավարն էր նախկին հանրապետական Սիմոն Ղոնաղչյանը (լուսանկարում): Հիմնադրման եւ հաշվետվություն ներկայացնելու փաստերից բացի՝ այս կուսակցության եւ նրա գործունեության մասին որոնողական համակարգերը չեն բերում որեւէ տեղեկություն: Կուսակցության կայքում կա հետեւյալ տեղեկությունը՝ հիմնադրումից հետո 2011 թվականի մարտի 1-ի հանրահավաքին մասնակցելու մասին որոշում:
