«Եթե երկու պետությունների միջեւ բախում լինի, հարցեր չեն լինի: Սա Ադրբեջանի միակողմանի ոչնչացում կլինի: Սա միայն իմ կարծիքը չէ: Սա նաեւ Ադրբեջանի եւ Թուրքիայի դաշնակիցների կարծիքն է»,- «Բլից ինֆո» մամուլի ակումբում լրագրողների հետ հանդիպմանը հայտարարեց Արցախյան ազատամարտի հերոս, գեներալ-մայոր Արկադի Տեր-Թադեւոսյանը («Կոմանդոսը»):
Նա հիշեցրեց Ադրբեջանի նավթագազային 10-րդ պլատֆորմում տեղի ունեցած միջադեպը, որի արդյունքում բազմաթիվ մարդիկ զոհվեցին. «Նրանք մեկ ամսից ավելի մարում էին հրդեհը: Պատկերացրեք, որ 3-4 պլատֆորմներ վառվեն: Մենք չենք թաքցնում, որ մեր հրթիռներն իրենց պլատֆորմների վրա են ուղղված»:
Արկադի Տեր-Թադեւոսյանը շեշտեց, որ Հայաստանը պատերազմ չի ուզում, բայց եթե Ադրբեջանն ավանտյուրայի գնա, կպատերազմենք. «Այժմ դրա հավանականությունն անընդհատ ավելանում է: Հիմա Լեռնային Ղարաբաղում եւ Հայաստանում կա ստուգված զինված ուժերի տեխնիկան, որպեսզի վտանգի դեպքում հարված հասցվի»:
Նա ասաց, որ պետք է հիմնվել միջազգային իրավունքի վրա. «ՄԱԿ-ի կանոնադրության 51-րդ հոդվածում նշված է, որ երկրի նկատմամբ սպառնալիքի առաջացման դեպքում, վերջինս կարող է հարված հասցնել: Այս մասին խոսել է մեր նախագահը, պաշտպանության նախարարը: Իսկ 2 տարի առաջ այդպիսի խոսակցություններ չկային»:
Կարդացեք նաև
Աշոտ ԻՍՐԱԵԼՅԱՆ
