Մեկ անձի սպանության մեջ մեղադրվող ու տասնմեկ տարի անազատության մեջ անցկացրած բրիտանացի Մայքլ Օբրայենը Հայաստանում է: Նա Հայաստան է եկել՝ օգնելու բանտերում գտնվող մարդկանց, որոնք բանտարկվել են իրենց չկատարած հանցագործությունների համար:
«11 տարի ու քառասուն օր անցկացրել եմ բանտում մի հանցագործության համար, որը չեմ կատարել: Բանտախցում սկսեցի իրավագիտություն սովորել, որ ապացուցեմ իմ անմեղությունը, ինձ օգնեցին նաեւ լրագրողները, որոնք հետաքննեցին իմ գործն ու լուսաբանեցին: Բրիտանիայում հիմնվել էր մի մարմին՝ քրեական գործերի հետաքննության կոմիտե, որը սկսեց հետաքննել իմ գործը ու տասնմեկ տարի հետո դուրս եկա»,- այսօր դատական սխալների հետեւանքներն ու շտկման նոր գործիքները. Բրիտանական փորձը» թեմայով քննարկման ժամանակ պատմեց Մայքլ Օբրայենը:
Նրա պատմելով, լրագրողների օգնությամբ նոր ապացույցներ գտնվեցին, որոնք հիմք էին ոստիկաններին կոռուպցիայի մեջ մեղադրել,ու եւ երեւան եկած նոր հանգամանքների շնորհիվ կարողացան բողոքարկել իր գործը: Մայքլ Օբրայենն ասաց, որ Բրիտանիայի կառավարությունը նման դեպքերում փոխհատուցում է նախատեսում, ու իրեն հաջողվեց երկար ջանքերից հետո կառավարությունից փոխհատուցում ստանալ:
«Հայաստանում ծանոթացա Մհեր Ենոքյանի գործին, նույն եզրերն եմ տեսնում ու շատ նման է իմ գործին»,- ասաց Մայքլ Օբրայենը:
Կարդացեք նաև
Արփինե ՍԻՄՈՆՅԱՆ
