Վրաստանի սահմանային ծառայությունը և ԱՄՆ-ի՝ Ռազմական սպառնալիքի նվազեցմանն ուղղված գործակալությունը համաձայնագիր են ստորագրել, որով Վրաստանին սահմանների ամրացման համար կտրամադրվի 10 մլն դոլար: Այս մասին հաղորդում է BBC-ի ռուսական ծառայությունը՝ վկայակոչելով Վրաստանի ՆԳՆ հաղորդագրությունը:
«Առաջին հերթին կամրացվի Վրաստանի՝ Հայաստանի հետ ունեցած սահմանը: «Մինչև 2017թ. մարտ ամիսը հայ-վրացական սահմանային հատվածը լիարժեք կերպով կհագեցվի հսկման համակարգերով և տեխնիկական միջոցներով»,- ասվում է հաղորդագրության մեջ:
Համաձայնագիրը ստորագրվել է ամերիկյան գերատեսչության՝ Վրաստան կատարած այցի ընթացքում:
Նախատեսվում է, որ կամրապնդվի նաև «Կասումլո» և «Կեդա» սահմանային հատվածները, որոնք գտնվում են Թուրքիայի սահմանից ոչ հեռու:
Կարդացեք նաև
Ավելի վաղ Թուրքիային մեղադրում էին, որ նրա սահմանով Վրաստանի հյուսիս են ներթափանցում «Իսլամական պետության» ահաբեկիչներ:
Պատրաստեց՝ Վիկտորյա ԱՆԴՐԵԱՍՅԱՆԸ
