Արդեն տեղեկացրել ենք, որ «Նոր Հայաստան» նախաձեռնության մի խումբ անդամներ հավաքվել են ՀՀ դատախազության դիմաց եւ պահանջում են փոխել նախաձեռնության անդամ Գեւորգ Սաֆարյանի նկատմամբ կիրառված կալանքը, որպես խափանման միջոցը եւ ձերբակալել ոստիկան Գեղամ Խաչատրյանին:
Քիչ առաջ «Նոր Հայաստան» նախաձեռնության անդամ Գագիկ Եղիազարյանը մտավ ՀՀ դատախազության շենք եւ նամակ-պահանջ հանձնեց: Նա լրագրողներին փոխանցեց, որ իրենց նամակն ընդունել է ընդհանուր բաժնի աշխատակիցը: «Նա փոխանցեց ինձ իր աշխատանքային համարը եւ հավաստիացրեց, որ հետո կարող ենք զանգել, ստանալ պատասխանը»:
Ըստ նրա՝ ՀՀ դատախազությունը հրաժարվեց որեւէ մասնագետի ուղարկել, որը կկարողանար իրենց հարցերին պատասխանել եւ թույլ չտվեցին լրագրողներին ներս մտնել եւ արձանագրել այդ ամենը: «Մենք 10 էջանոց պահանջ ենք ներկայացրել, որում կետ առ կետ նշել ենք, թե ինչու պետք է Գեւորգ Սաֆարյանը պետք է ազատ արձակվի»:
«Նոր Հայաստան» նախաձեռնության անդամներն այնուհետեւ որոշեցին այսօր ավարտել ակցիան: Իսկ հետագա քայլերի մասին կխոսեն, երբ կստանան Դատախազության պատասխանը:
Կարդացեք նաև
Աշոտ ԻՍՐԱԵԼՅԱՆ
