«Ուզում է կաշվից դուրս գա Անդրեասյանը, Անդրեասյանը չէ՝ ով ուզում է լինի, ուզում է Իշտոյանը լինի՝ էլի կիսապաշտպան է լինելու: Չի կարող իրացնել իր առջեւ դրված խնդիրները»,- ԱԺ-ում նախկին օմբուդսմեն Կարեն Անդրեասյանի հրաժարականի մասին խոսելիս այսպիսի տեսակետ հայտնեց ՕԵԿ պատգամավոր Հովհաննես Մարգարյանը:
Նրա գնահատմամբ՝ Կարեն Անդրեասյանը լավ էլ տողատակին բացատրեց, թե ինչու է հրաժարական տալիս. «Զգաց, որ չի կարող հեչ բան անել, նամուսը, թասիբն առած ասաց՝ ես խելոք հեռանում եմ: Գրել է մարդը՝ ես այն, ինչ ուզում եմ, այն աշխատանքը այն արդյունավետությամբ չեմ կարող կատարել: Հայկական իրողությունը բոլորս էլ հասկանում ենք, լուսնից չենք իջել»:
Նա առաջարկեց, որ որքան հնարավոր է շատ թեկնածուներ առաջադրվեն, որ անկախ մարմին ընտրվի արդյունքում:
Իսկ ԲՀԿ խմբակցության պատգամավոր Տիգրան Ուրիխանյանին Մարդու իրավունքների պաշտպանի հրաժարականը հիշեցրել էր Գոգոլի «Տարաս Բուլբա» վիպակի հայտնի արտահայտությունը՝ «Я тебя породил я тебя и убью». «Շատ եմ ցանկանում, որ այս վիճակից Մարդու իրավունքների պաշտպանները դուրս գան: ՀՀ օմբուդսմենը պիտի լինի չկաշկանդված քաղաքական ուժերի, նրանց եղբայրների, բարեկամների ու նրանց շահերի հետ»:
Կարդացեք նաև
Հռիփսիմե ՋԵԲԵՋՅԱՆ
