Թեհրանը պնդում է, որ իր համար բացվել են մինչև 100 մլրդ դոլարի արտասահմանյան ակտիվներ այն բանից հետո, երբ իր վրայից հանվել են պատժամիջոցները: Այս մասին հաղորդում է իրանական Press TV հեռուստաալիքը:
Կառավարության մամուլի խոսնակ Մոհամադ Բաքեր Նոբախթի խոսքով՝ գումարի զգալի մասը գտնվում է Չինաստանի, Հնդկաստանի, Ճապոնիայի, Հարավային Կորեայի և Թուրքիայի բանկերում:
Բացի այդ, նշվում է, որ ըստ իրանական Կենտրոնական բանկի՝ այսուհետ իրանական 9 բանկեր կմիանան SWIFT համակարգին:
Հիշեցնենք, ավելի վաղ հաղորդվում էր, որ Իրանի նկատմամբ պատժամիջոցները հանելուց հետո նրա համար բացվել է 32 մլրդ դոլար, որը նախկինում սառեցված է եղել:
Կարդացեք նաև
Պատրաստեց՝ Վիկտորյա ԱՆԴՐԵԱՍՅԱՆԸ
