Դեկտեմբերի 23-ին Վանաձոր համայնքի ավագանին երկար քննարկումից հետո օրակարգից հանեց ավտոտրանսպորտային միջոցները կայանելու տեղական տուրք սահմանելու որոշումը:
«Ոչ ապօրինի ավտոկայանատեղիներին» նախաձեռնող խումբը իրազեկում անցկացրեց Վանաձորի ամենամեծ ավտոկայանատեղում՝ թռուցիկներ բաժանելով եւ քաղաքացիներին բացատրելով, որ իրենց տրված գումարները չեն համալրում համայնքային բյուջեն եւ տնօրինում են անհատները:
Երբ քաղաքացիները իրենք սկսեցին հետաքրքրվել եւ մոտենալ խմբի անդամներին, մոտեցավ վարձակալը՝ «Դիկտիս» ՍՊԸ-ի տնօրեն, քաղաքապետի հորեղբոր տղա Վիկտոր Դարբինյանը:
Վիկտոր Դարբինյանը Վանաձորի քաղաքապետ Սամվել Դարբինյանի հորեղբոր տղան է, որը քաղաքապետի հովանավորությամբ երկար տարիներ աշխատել է Վանաձորի քաղաքապետարանի եկամուտների հավաքագրման բաժնի պետ եւ մինչեւ 2030 թ-ը պայմանագիր է կնքել իր ընկերության հետ:
Կարդացեք նաև
Վանաձորի քաղաքապետարանի դիմաց բողոքի ակցիայի ընթացքում նախաձեռնության անդամները հրապարակայնորեն ներկայացրեցին իրենց պահանջները, որպեսզի համապատասխան պաշտոնյան մոտենա ակցիայի մասնակիցներին, լսի նրանց և ստանա նրանց գրավոր պահանջը:
Քիչ անց ակցիայի մասնակիցներին մոտեցավ քաղաքապետարանի աշխատակազմի քարտուղարության, տեղեկատվության և աշխատանքի բաժնի ներկայացուցիչ Աշոտ Կարապետյանը:
Լսեց ակցիայի մասնակիցներին, առաջարկեց համաձայն կարգի գրությունները հանձնել քարտուղարության, տեղեկատվության և աշխատանքի բաժնում և ուղեկցեց խմբի ներկայացուցչին:
Մանրամասները՝ տեսանյութում:
Նելլի ԴԱՎԹՅԱՆ
