«Երբ մարդու իրավունքների պաշտպանը հրաժարական տվեց, գոնե ինձ համար անակնկալ եղավ»,- այսօր ԱԺ-ում Մարդու իրավունքների պաշտպանի թեկնածուի առաջադրման կարգի մասին նախագծի քննարկման ժամանակ հայտարարեց ԱԺ նախագահ Գալուստ Սահակյանը:
Ինչ վերաբերում է Նաիրա Զոհրաբյանի մտահոգությանը, որ Պետաիրավական հարցերի հանձնաժողովում ԲՀԿ խմբակցության անդամ Տիգրան Ուրիխանյանն է ընդգրկված, որը կուսակցության անդամ չէ եւ ԲՀԿ-ի հետ իրենց կարծիքները կարող են չհամընկնել՝ Գալուստ Սահակյանն ասաց, որ խմբակցության անդամը չի կարող ներկայացնել իր անձնական տեսակետը, պետք է խմբակցության հետ քննարկի թեկնածուի հարցը, նոր ներկայացնի. «95-ից խորհրդարանում եմ, այդպիսի բան մեր պատմության մեջ չի եղել: Դա նշանակում է՝ քաղաքական թիմերը քաղաքական թիմեր չեն»:
Ըստ Գալուստ Սահակյանի, տարօրինակ է, երբ պահանջում են, որ մարդը բացատրի, թե ինչու է հրաժարական տվել. «Պիտի կանչենք ստեղ, հարցնենք՝ հլա պատմի՝ խի՞ ես հրաժարական տվել: Դատավորներ ենք, ինչ ենք: Ամբողջ մամուլը, քաղաքական ուժերը մարդու իրավունքների պաշտպանից անընդհատ փորձում էին իմանալ հրաժարականի պատճառը: Ո՞ր օրենքով էին ուզում: Առավել եւս նա արդեն իր հրաժարականը տվել է, դու բարոյական իրավունք էլ չունես կանչելու, նա էլ բարոյական իրավունք ունի չգալու: Ամեն ինչի շուրջ աժիոտաժ ստեղծելով՝ մենք ո՞ւր ենք հասնելու»:
Կարդացեք նաև
Հռիփսիմե ՋԵԲԵՋՅԱՆ
