ՀՅԴ-ական Արծվիկ Մինասյանը հայտարարել է, որ ՀՅԴ-ն իրեն տեսնում է բոլոր ոլորտներում, որտեղ կարող է ազդեցություն ունենալ: Այդուհանդերձ, Մինասյանն իր վրա պատասխանատվություն չի վերցրել որևէ կոնկրետ ոլորտ նշելու համար: Մամուլում գրվում է, որ ՀՅԴ-ին կտրվի երկու նախարարություն, երկու մարզպետարան, ավելի փոքր մի քանի պաշտոն: Այդ հարցն, իհարկե, պետք է որոշեն Սերժ Սարգսյանն ու ՀՀԿ-ն:
Մեծ հաշվով, պետականության տեսակետից, որևէ նշանակություն չունի, թե ՀՀԿ-ն ինչը կտա ՀՅԴ-ին և ինչը կպահի իրեն: Այստեղ, բացի առևտրային արդյունքից, էական նշանակություն կարող է ստանալ այն, թե ինչպիսի համակարգային ստատուս քվո կլինի 2017 թվականի խորհրդարանի ընտրությունից առաջ: Բանն այն է, որ այդ ստատուս քվոն պայմանավորելու է, թե ով ինչ վաստակ է ունենալու ընտրական գործընթացում կամ պարզ ասած՝ վերարտադրության գործընթացում: Բանն այն է, որ ըստ այդ վաստակի էլ հետո բաշխվում են տնտեսական ռեսուրսները: Ավելին՝ հնարավոր է նաև, որ առաջանա քավության նոխազների կարիք՝ կախված այն արձագանքից, որ կարող է լինել արտաքին կենտրոններից:
Հրապարակումն ամբողջությամբ՝ «Ժամանակ» թերթի այսօրվա համարում:
