Այսօր կառավարության նիստի ժամանակ կրթության եւ գիտության փոխնախարար Կարինե Հարությունյանը ներկայացնելով մի նախագիծ, առաջարկեց Երեւանի Բ. Ժամկոչյանի անվան թիվ 119 ավագ դպրոցում 2016-17 ուսումնական տարվանից կատարել 5-9-րդ դասարանների ընդունելություն՝ ֆրանսերենի խորացված ուսուցման կազմակերպման համար, կազմավորելով 2 դասարան:
Նախագծի առնչությամբ ՀՀ վարչապետ Հովիկ Աբրահամյանը արձագանքեց. «Բայց կարող է ցանկացողներ շատ լինեն, սահմանափակե՞նք: Կոռուպցիոն ռիսկ չե՞ք տեսնում: Ինչի՞ եք սահմանափակում, իմաստը ո՞րն է»:
Փոխնախարարը վարչապետի՝ կոռուպցիայի մասին անհանգստությանն ի պատասխան ասաց, որ ֆինանսավորման խնդիր կա, երկու դասարանի համար կա 280 աշակերտ:
Որոշման նախագծին կառավարությունը հավանություն տվեց:
Կարդացեք նաև
Նելլի ԲԱԲԱՅԱՆ
