Երեւանը քանդում ենք, որպեսզի Երեւան սարքենք։ Այդպիսի մտքի թռիչք կամ ցինիզմ միայն նոր հայը կունենար, որի համար քաղաքի կերպն ավերելը բիզնեսի լավագույն ձեւ է, հանուն շահի ինքնությունն ուրանալը նույնպես մերօրյա բիզնես է։ Եվ այդ բիզնեսն իրականացնում են իշխանավորն ու օլիգարխը համատեղ։
Ոչնչացնում են նրանք, ովքեր կոչված են պաշտպանելու։
Իշխանությունները գիշերով, թաքուն, քաղաքացիներից ծածուկ ու քնած ժամանակ քանդում են քաղաքի հին շենքերը, որոնք երեւանցիների համար արժեք են, հպարտություն։
2-3 տարի առաջ նույն ոճով քանդեցին նաեւ Ռաֆայել Իսրայելյանի տունը Սարյան փողոցի վրա՝ տեղում հյուրանոց կառուցելու համար։ Այդպես, մեղմ ասած, գողություն են անում։ Իշխանությունը ժողովրդից գողանում է ոչ միայն նրա ունեցվածքն ու ներկան, այլեւ արժանապատվությունն ու անցյալը։
Կարդացեք նաև
Կա՞ մեկ այլ երկրում մեկ այլ իշխանություն, որ սեփական, ինչպես ասում են՝ իրեն ընտրած ժողովրդի հետ այդպես վարվի. գիշերով, թաքուն գողանա նրանից եւ առավոտյան արդարացնի ստոր ու գետնաքարշ արարքը, թե մեր քանդած շենքը պատմամշակութային արժեք չէր ներկայացնում իրենից, ընդգրկված չէր պահպանվող շենքերի ցուցակում։
Ֆելիքս ԵՂԻԱԶԱՐՅԱՆ
Հոդվածն ամբողջությամբ կարող եք կարդալ «Հրապարակ» թերթի այսօրվա համարում
