Կառավարությունը 330 միլիոն դրամ որպես սուբսիդիա կտրամադրի «Ֆլեշ» ընկերությանը՝ 6 միլիոն լիտր դիզելային վառելանյութի մատակարարման համար:
Այս գումարը տրամադրվում է ՀՀ հողօգտագործողներին 2016 թվականի գյուղատնտեսական աշխատանքների համար մատչելի գներով դիզելային վառելանյութի ձեռքբերման նպատակով պետական աջակցության ծրագրի շրջանակներում:
Վաղը կառավարության նիստին որոշման նախագծին, ամենայն հավանականությամբ, հավանություն կտան:
Ծրագրի ավարտը սահմանել 2016 թվականի նոյեմբերի 1-ը:
Կարդացեք նաև
Որոշման նախագծում գրված է, որ «Ֆեշի» հետ կնքած պայմանագրի համաձայն, այդ դիզելային վառելանյութի 1 լիտրի արժեքն է 280 դրամ: Ծրագրով ձեռք բերված 6,000,000.0 լիտր դիզելային վառելանյութից 100,000.0 լիտրը թողնվում է ՀՀ գյուղատնտեսության նախարարության տրամադրության ներքո, որպես պահուստային քանակ` ըստ անհրաժեշտության օգտագործելու համար:
Դիզելային վառելանյութը հողօգտագործողներին վաճառվելու է մարզպետարանների հսկողությամբ՝ 1 հեկտարի համար մինչեւ 200 լիտր, առավելագույն քանակը՝ 600 լիտր:
Նելլի ԲԱԲԱՅԱՆ
