Այսօր Բանակի տոնն է: Այդ կապակցությամբ Եռաբլուրի պանթեոն էին այցելել պետական պաշտոնյաները:
Պաշտպանության նախարար Սեյրան Օհանյանը մեկ առ մեկ մոտեցավ բոլոր զինվորականներին, մարտական ընկերներին շնորհավորեց, ձեռք սեղմեց, սեւազգեստ մայրերին գրկեց՝ ասելով, որ մեր բանակը նաեւ ձեր զավակների աշխատանքի արդյունքն է:
Մի զինվորականի էլ նախարարը հարցրեց. «Իմա՞լ ես»: Նա էլ կատակով պատասխանեց. «Իմալ ու կես»:
Կարդացեք նաև
Բազմաթիվ նամակներ հավաքեց Սեյրան Օհանյանը, լսեց մայրերի դժգոհություններն ու խնդիրները:
Մի կին բողոքում էր, որ մոտեցել է Գալուստ Սահակյանին, բայց համապատասխան արձագանք չի ստացել. «Պարոն Գալուստ Սահակյանն ինձ շան տեղ չդրեց»: Սեյրան Օհանյանը սաստեց կնոջը. «Չի կարելի, էս տոնը, ես խնդրում եմ, մի վերածեք այլ բանի»: Կինը համաձայնեց. «Տոն է, օրհնվի էն օրը, որ ձեր նման նախարար ունեցանք»:
Հռիփսիմե ՋԵԲԵՋՅԱՆ
