Ինչո՞ւ ժողովուրդն այդպես էլ չհասկացավ Վազգեն Սարգսյանին
«Վազգեն Սարգսյանն իր մասին ամենալավն ինքն ասաց`ժողովուրդն ինձ այդպես էլ չհասկացավ, ինձ միշտ տեսնում են մորուքով, փրփրած, քրտնած, ջղայնացած: Բայց ես ձեզ անկեղծ եմ ասում`այդքան փխրուն հոգի, լիրիկական անձնավորություն … ահավոր կարգին մարդ էր, հրաշք»,- «Հայելի» մամուլի ակումբում այսօր վաղամեռիկ սպարապետ Վազգեն Սարգսյանի մասին իր կարծիքը հայտնեց գեներալ-մայոր Սուրեն Աբրահամյանը:
Նա նաեւ հուշեր պատմեց. «Մի անգամ մի գյուղ էինք ազատագրել, Սյունիքին հարակից, հրաշալի բնություն էր: Անտառապահի տնակ կար: Վազգենն ասում է`լսիր, էս մերն ա չէ՞ մնալու: Ասեցի`մեզնից ա կախված: Ասեց` դե էս անտառապահի տնակը մի քիչ վերանորոգի, կեսն ինձ, կեսը քեզ. ե՞րբ ա էս ամեն ինչը վերջանալու, էնքա~ն նյութ ունեմ գրելու: Հարցրեց`իսկ դո՞ւ ի՞նչ ես անելու: Ասեցի՝ ես էլ քո մասին եմ գրելու: Վազգենն ասաց`էդ ի~նչ մեծ կարծիքի ես մեր մասին, ո՞ւմ ենք մենք պետք լինելու, երբ էս ամենը վերջանա…»
Սուրեն Աբրահամյանը հիշում է, որ երբ զինվոր էր մահանում, ոչ ոք չէր համարձակվում Վազգենին ասել. «Էդ օրը երկրաշարժ էր: Կհավատա՞ք ինքն ամեն զինվորի համար լաց էր լինում»:
Կարդացեք նաև
Իսկ թե ինչպե՞ս են Վազգեն Սարգսյանը եւ Սուրեն Աբրահամյանը մեքենայով անցել ականապատ տարածքով` տեսանյութում:
Նելլի ԳՐԻԳՈՐՅԱՆ
