ԱԺ ընդդիմադիր պատգամավոր, «Ազատ դեմոկրատներ» կուսակցության նախագահ Խաչատուր Քոքոբելյանը չի համարում, որ ԵԽԽՎ-ն հավասարակշռված քաղաքականություն տարավ` մերժելով ԼՂՀ-ի մասին բրիտանացի պատգամավորի զեկույցը, ընդունելով Սարսանգի ջրամբարի մասին բոսնիացի պատգամավորի զեկույցը:
«Դրանք իրենց տեսակարար կշռով, քաղաքական նշանակությամբ ու ազդեցությամբ` ԼՂ հիմնախնդրի խաղաղ կարգավորման գործընթացի համատեքստում, շատ տարբեր են եւ տարբեր խնդիրներ են արծարծում»,- «Առավոտի» հետ զրույցում ասաց նա` նկատելով, որ թե՛ Ադրբեջանը, թե՛ Թուրքիան երբեք էլ գոհ չեն եղել Մինսկի խմբի եռանախագահների աշխատանքից, բայց ներկայումս հարցի կարգավորման ավելի արդյունավետ ֆորմատ չկա, ու ԼՂ հարցի կարգավորումը բացառապես այս շրջանակներում պետք է լինի: Նա նաեւ շեշտեց, որ պետք է շնորհակալ լինենք ԵԱՀԿ Մինսկի խմբին ԵԽԽՎ-ին ուղղված հայտարարության համար, որը մեծ ազդեցություն ունեցավ ԵԽԽՎ-ում քվեարկության ժամանակ:
«Առավոտ» օրաթերթ
27.01.2016
