Պրահայում ամեն քայլափոխի կարելի է հանդիպել մշակութային միջոցառումների մասին իրազեկող ազդագրերի: Օրինակ՝ Հին քաղաքի սրտում գտնվող այս ցուցանակի վրա մեկտեղվել են ջազի, ռոքի, դասական երաժշտության ու հատուկ էֆեկտներով ֆիլմերի սիրահարներին «աչքով անող» ազդագրեր: Դրանցից հետ չեն մնում նաեւ ԿԳԲ-ի ու Կոմունիզմի թանգարանները: Վերջինս Պրահայում հիմնադրվել է 2001-ին եւ, չեխերի փաստմամբ, այցելուների պակաս չունի:
Անգամ չեխ դպրոցականներին են այս թանգարան բերում՝ ծանոթացնելու այն բռնատիրական համակարգի հետ, ժամանակին որի զոհն է եղել նաեւ Չեխոսլովակիան: 2011-ից էլ Պրահայում գործում է մեկ այլ տարօրինակ՝ ԿԳԲ-ի թանգարանը, ցուցանմուշներն էլ տրամադրել է չեխ հավաքորդը՝ իր մասնավոր հավաքածուից: Այստեղ, ի թիվս այլ ցուցանմուշների, կարելի է հանդիպել Լենինի դիմակին, Բերիայի ռադիոընդունիչին, տեսնել այն զենքը, որով սպանվել է Տրոցկին: Ընդհանրապես, չեխերն ընդգծված հակակրանք ունեն նախկին խորհրդային ճամբարի հանդեպ, ժամանակին որի մաս է կազմել նաեւ իրենց երկիրը:
Լուսանկարը՝ ԳՈՀԱՐ ՀԱԿՈԲՅԱՆԻ
«Առավոտ» օրաթերթ
26.01.2016
իսկական ձեր -առավոտի “աշխատողների” երկրին ա: գնացեք վայելեք 😀
Հարգելի Atshak , չգիտեմ հատկապես ինչ նկատի ունեք եւ հատկապես ինչու եք աշխատողներ բառը վերցրել չակերտներում, բայց որ Պրահան շատ գեղեցիկ է, դրանում կասկած չկա ու իսկապես արժի տեսնել ու վայելել այդ քաղաքը: