«Ազատություն» ռ/կ-ն հայտնում է`
ԱՄՆ փոխնախագահ Ջո Բայդենը Թուրքիա կատարած այցելության ընթացքում հանդիպել է նաև Ռաքել Դինքի՝ «Ագոս» թերթի սպանված խմբագիր Հրանտ Դինքի այրու հետ: Այս մասին գրում է Daily Sabah-ը:
Լուսաբանելով ԱՄՆ-ի փոխնախագահի անցած շաբաթավերջին Թուրքիա կատարած այցը՝ թերթը նշում է, որ Բայդենը առանձին հանդիպում է ունեցել Ռաքել Դինքի, ինչպես նաև Թյուրքան Էլչիի և Դիլեկ Դյունդարի հետ: Թյուրքան Էլչին Դիարբեքիրի փաստաբանների ընկերակցության նախկին նախագահ Թահիր Էլչիի այրին է, նրա ամուսինը սպանվել է 2015-ի նոյեմբերի վերջին: Իսկ Դիլեկ Դյունդարը Cumhuriyet թերթի գլխավոր խմբագիր Ջան Դյունդարի կինն է:
Cumhuriyet-ի գլխավոր խմբագիրը ձերբակալվել է Թուրքիայի ազգային հետախուզական ծառայության (MIT) գաղտնի գործողությունը բացահայտելու համար: Լուսանկարներով հրապարակումը ցույց էր տվել, որ ազգային հետախուզական ծառայության բեռնատարներով անօրինական զենք է տեղափոխում Սիրիա:
