Հունվարի 25-ի առավոտյան ժամը 9-ին Նոյեմբերյան քաղաքից «Գազ-3110» մակնիշի ավտոմեքենայով ուղեւորվեցինք Դիլիջան: Տեղ հասանք կեսօրին մոտ: Նոյեմբերյանի ճանապարհաշինական «Լեւոն երկրորդ» ՍՊԸ-ն վաղ առավոտյան Նոյեմբերյան –Կիրանց ավտոճանապարհը ձյան շերտից մաքրման աշխատանքներ էր կատարել, աղ ցանել:
Իջեւանի քաղաքի ծայրից մինչեւ Դիլիջան ճանապարհը թեեւ գրայդերով մի փոքր մաքրվել էր, սակայն աղ չէր ցանվել, շարունակում էր ձյուն տեղալ, ճանապարհը սառցապատ էր, վտանգավոր: Ճանապարհը մաքրող տեխնիկա եւ բանվորներ չէին երեւում: Ճանապարհի երթեւեկելի մասից դուրս սահած մարդատար ավտոմեքենաներ կային: Դիլիջան քաղաքից վերադառնալիս, ժամը 13. 40-ի սահմաններում Հովք գյուղի մոտ տեսանք բեռնատարից ճանապարհին աղ թափող բանվորների: Արդեն արեւը դուրս էր եկել եւ սկսել հալել ճանապարհի սառույցը:
Ոսկան ՍԱՐԳՍՅԱՆ
