Երեւանի կամ առավել եւս Գյումրիի աղմկահարույց կենդանաբանական այգիները
համեմատության եզրեր չունեն Գերմանիայի Լայպցիգ քաղաքի այս կենդանաբանական այգու հետ:
Եվրոպայի ազատության մթնոլորտն ասես ազդել էր նաեւ այստեղի կենդանիների վրա:
Որ ազատավանդակին մոտենում էինք՝ կենդանիները, ինչպես լուսանկարում, համբուրվում էին, գգվում իրար ու վայելում կյանքը: Ի տարբերություն Գյումրիի կենդանաբանական այգու բնակիչների, որոնք սովածությունից իրենց թաթն են լիզում, երեկոյան ուշ ժամի են սնվում, որ գիշերը ցրտին դիմանան, այստեղի կենդանիներն ամբողջ օրն իրար սիրում են, բազմանում, ճոխ, անհոգ ապրում ու զվարճացնում այցելուներին: Փղերն արդեն մի ամբողջ գերդաստան են ձեւավորել, նրանց մոտ հնդկական երաժշտություն է հնչում: Այստեղի պինգվիններն անգամ մեր առյուծներից իրենց լավ են զգում: Նույնիսկ դժվար է այս այգու կենդանիների ապրելատեղին ազատավանդակ ասել, որովհետեւ դա կիլոմետրերի հասնող ազատ տարածություն է՝ ամեն կենդանու սիրած հարմարություններով:
Լուսանկարները՝ ՀՌԻՓՍԻՄԵ ՋԵԲԵՋՅԱՆԻ
Կարդացեք նաև
«Առավոտ» օրաթերթ
23.01.2016
