«ՀՅԴ-ի հետ կոալիցիայի կազմելուց հետո ճգնաժամը կխորանա: Դա հանգուցալուծում չէ: Դա ընդամենը թուլացած իշխանությունն ինչ-որ մի ժամանակահատվածով ուժեղացնելու խնդիր է լուծում: Դաշնակցության հաշվին է դա տեղի ունենալու»,- Aravot.am հետ զրույցում, անդրադառնալով ՀՀԿ-ՀՅԴ հնարավոր կոալիցիայի ստեղծմանն, ասաց «Ժառանգություն» կուսակցության փոխնախագահ Արմեն Մարտիրոսյանը:
Մեր հարցին, թե Դաշնակցությունն իր գաղափարներով, իր մոտեցումներով եւ ծրագրերով չի՞ կարողանա բարելավել ստեղծված վիճակը, պարոն Մարտիրոսյանը պատասխանեց. «Դաշնակցությունը ոչ իր գաղափարներն է կարողանալու իրականացնել, ոչ էլ ծրագրերը: Դաշնակցությունը սոցիալիստական կուսակցություն է: Այսինքն` իշխանությունը քրեաօլիգարխիկ համակարգից պետք է անցնի սոցիալիստականի՞: Իհարկե ոչ»:
Ըստ նրա՝ այս պարագայում Դաշնակցությունը կարող է ոչ թե ՀՀԿ-ի ծրագրերը կյանքի կոչի, այլ՝ Հանրապետական կուսակցության որոշողների որոշումը. «ՀՀԿ-ի ծրագրում օրինակ գրված չէ, որ պետք է քրեաօլիգարխիկ համակարգ լինի, համակարգային կոռուպցիա լինի, մարդու իրավունքները չպաշտպանվեն: Դա գրված չէ, բայց իրենց որոշումները հենց դրան են բերում: Դաշնակցությունը, ցավոք սրտի, այդ որոշումներն է կյանքի կոչելու»:
Աշոտ ԻՍՐԱԵԼՅԱՆ
Կարելի է զարմանալ. կան լուրջ մարդիկ ովքեր լավ բան են սպասում ՀՀԴ-ից: