Տեղեկացրել էինք, որ «Սուրբ Գրիգոր Լուսավորիչ» հիվանդանոցից Aravot.am-ին վստահեցրել էին, որ այսօր իրենց մոտ H1N1-ից երկու մահ է եղել. մեկը՝ 74-ամյա Քնարիկ Սարգսյանն է, որն իրենց մոտ է տեղափոխվել «Էրեբունի» բժշկական կենտրոնից, մյուս մահացածը 42-ամյա կին է եղել: Երկուսն էլ ծայրահեղ ծանր վիճակում են եղել, ու նրանց մոտ հաստատվել է H1N1-ը:
Առողջապահության նախարարությունից մեզ տեղեկացրել էին, որ այսօր H1N1 վիրուսից մահվան դեպք է եղել նաեւ «Էրեբունի» բժշկական կենտրոնում, ինչը, սակայն, հիվանդանոցի հասարակայնության հետ կապերի բաժնի պատասխանատուն մեզ հետ զրույցում հերքել էր:
Առողջապահության նախարարությունը մեր հրապարակումից հետո հավելյալ ճշտեց H1N1-ից մահվան դեպքերն ու վստահեցրեց, որ «Էրեբունիում» մահվան դեպքը գրանցվել է կիրակի օրը, պարզապես H1N1 վարակն այսօր է հաստատվել, ուստի այդ մասին այսօր են տեղեկացրել, ինչը թյուրիմացություն է առաջացրել:
Ինչ վերաբերում է «Սուրբ Գրիգոր Լուսավորիչ» հիվանդանոցում գրանցված դեպքերին, նախարարությունից վստահեցրին, որ այսօր մահացած միայն մի կնոջ մոտ է հաստատվել խոզի գրիպը:
Նելլի ԲԱԲԱՅԱՆ
