Անցյալ տարի հարկային եկամուտների պլանը 80 մլրդ դրամով թերակատարվել է, ինչի պատճառով կառավարությունը վարկային միջոցներ է ներգրավվել: Այսօր այս մասին կառավարության նիստից հետո ասաց ֆինանսների փոխնախարար Պավել Սաֆարյանը՝ տեղեկացնելով, որ մոտ 48 միլիարդ դրամի վարկ ենք վերցրել:
Ըստ նրա, բյուջեի եկամուտների թերակատարման պատճառը ՀՆԱ-ի՝ նախատեսված ցուցանիշից ավելի ցածր ցուցանիշ ունենալն էր:
Պավել Սաֆարյանը հավաստիացրեց, որ կառավարությունն, այնուամենայնիվ, կարողացել է իր վրա դրված ծախսային պարտավորությունները կատարել. «Վարկերի հաշվին, ծախսերի ավելի օպտիմալ կատարման հաշվին, որովհետև բացի վարկերից, որը լրացուցիչ աղբյուր հանդիսացավ այդ ծախսերը կատարելու, նաև որոշակի ծախսեր չկատարվեցին, բայց դրանք ոչ աշխատավարձեր էին, ոչ սոցիալական ծախսեր էին»:
Մանրամասները` տեսանյութում
Կարդացեք նաև
Լուսինե ԲՈՒԴԱՂՅԱՆ
