«Իմ կարծիքով՝ Հայաստանի համար առաջին ռազմական դաշնակիցը, ինչքան էլ որ հասարակության որոշ հատվածի կարող է դուր չգալ, Ռուսաստանը չէ, այլ` Իրանի Իսլամական Հանրապետությունը»,- հունվարի 20-ին «Մեդիա կենտրոնում» լրագրողների հետ հանդիպման ընթացքում ասաց տնտեսագետ Արտակ Մանուկյանը:
Նա համարում է, որ Իրանը իրապես հետաքրքրված քաղաքական սուբյեկտներից մեկն է, որ Ղարաբաղն իր ստատուս քվոն պահպանի, եւ Ադրբեջանը հնարավորություն չունենա կենսագործել իր նկրտումները: Ըստ նրա, դրանով են պայմանավորված Իրանի կողմից Հայաստանի դերակատարման ավելի լուրջ մոտեցումները, քան Հայաստանը միջազգային ասպարեզում իր տեսակարար կշռով կարող է խաղալ:
Անդրադառնալով Հայաստանի հետ հարաբերություններին ՝ Արտակ Մանուկյանն ասաց, որ երբ Իրանի նկատմամբ պատժամիջոցները գործում էին, Հայաստանը այլընտրանքի բացակայության պայմաններում էր համագործակցում, բայց երբ որ պատժամիջոցները դուրս մղվեցին՝ Հայաստանը պետք է մրցակցի. «Այսինքն՝ սա ոչ միայն հնարավորություն է, բայց հնարավորություն է միայն այն դեպքում, երբ կառավարությունը փորձում է մրցակցել: Եթե չի փոխում իր առաջարկած ռեսուրսները կամ առաջարկված մոդելը կամ առաջարկված այն, ինչ որ ավանդական եղել է, հասկանալի է, որ մենք ինչ-որ հաջողություններ չենք ունենա: Ինքն արդեն իսկ պատրաստ է այդ փողը ծախսել, բայց համապատասխան առաջարկի դեպքում»:
Ամի ՉԻՉԱԿՅԱՆ
Կարդացեք նաև
Լուսանկարը՝ «Մեդիա կենտրոնի»:
