ՖԻՖԱ-ի նախագահի թեկնածու Ջաննի Ինֆանտինոն fifaforward2016.com-ում հրապարակած նախընտրական իր ծրագրում առաջարկում է աշխարհի առաջնության մասնակից երկրների թիվն ավելացնել՝ հասցնելով 40-ի:
Նրա նախագծով աշխարհի առաջնության եզրափակիչ փուլի մասնակից հավաքականները կբաժանվեն 8 խմբի, յուրաքանչյուրում՝ 5 թիմ: 14 թիմ կներկայացնի Եվրոպան, 7՝ Աֆրիկան, 6՝ Ասիան, 5՝ ԿՕՆԿԱԿՖ-ը (Հյուսիսային Ամերիկա, Կենտրոնական Ամերիկա եւ Կարիբյան ծոցի երկրներ), 5՝ Հարավային Ամերիկան, 1՝ Օվկիանիան, 1 տեղ բաժին կհասնի կազմակերպիչ երկրին, 1 տեղ էլ կբաշխվի ըստ մարզական արդյունքների:
Ինֆանտինոն հաշվարկել է, որ այս ձեւաչափով աշխարհի առաջնությունը կազմակերպելու համար եզրափակիչ փուլը հարկ կլինի երկարացնել ընդամենը երեք օրով եւ դա միջազգային օրացույցի վրա չի ազդի:
Աշոտ ՀԱԿՈԲՅԱՆ
Կարդացեք նաև
Լուսանկարը՝ sq.com.ua-ի
