Լեռնիկ Ալեքսանյան (ՀՀԿ խմբակցության անդամ)
– Գառնիկ Մարգարյանը և՛ լրագրողական, և՛ քաղաքական շրջանակներում ընկալվում է որպես պետականամետ, հավասարակշիռ քաղաքական գործիչ։ Նրա կապն այդ «զինված խմբի» հետ, ձերբակալումը Ձեզ զարմանալի չե՞ն թվում։
– Հարցը երկու կողմ ունի՝ քաղաքական և իրավական։ Իրավական առումով դժվար է ինչ-որ բան ասել, քանի որ մանրամասներին պետք է ծանոթ լինել։ Երբ մարդը տրամադրված է իշխանափոխության, դժվար է հասկանալ՝ որքան է քաղաքականը, որքան՝ իրավականը։ Չեմ բացառում, որ այդ խմբի հետ որևէ կապ կարող է ունենալ։ Հնարավոր է խմբի ծրագրերին, տեխնոլոգիաներին ծանոթ չլինել, բայց համաձայնել իշխանափոխության հարցում։ Չի կարելի հստակ ասել՝ նա մասնակի՞ց է այդ ամենին, թե՞ ոչ։ Պետք է բացահայտվի նախ այդ խմբի ողջ ծրագիրը՝ ինչ էին կամենում իրագործել։ Ես էլ եմ կարծում, որ նա հավասարակշռված անձ է, բայց, ունենալով իշխանությունների հանդեպ դժգոհություն, կարող էր որոշակի կապ ունենալ նրանց հետ։ Պետք է հետևել քննությանը։
– Ասում եք՝ խմբի հետ որևէ կապ կարող է ունենալ»։ Ձերբակալությանը հետևած կցկտուր տեղեկություններից պարզ դարձավ որ Գառնիկ Մարգարյանն ընդամենը հանդիպել ու Արթուր Վարդանյանի հետ քննարկել է երկրի քաղաքական վիճակը։ Եթե սա հիմք ընդունենք ձերբակալության համար, ապա հոկտեմբերի 27-ից հետո պետք է ձերբակալվեին բոլոր այն լրագրողները, ովքեր գոնե մեկ անգամ Նաիրի Հունանյանի հետ զրուցել էին։ Աբսուրդային վիճակ չի՞ ստացվում։
Կարդացեք նաև
– Գոյություն ունի անմեղության կանխավարկած։ Ձերբակալությունը չի նշանակում, որ տվյալ անձը մեղավոր է։ Հոկտեմբերի 27-ի հետ կապված էլ մինչև այսօր բազմաթիվ հարցեր կան։ Այսինքն, այսօր դժվար է ենթադրել՝ այդ խումբն ի՞նչ նպատակներ է հետապնդել։ Հաշվի առնելով անմեղության կանխավարկածը, ձերբակալությունը հնարավոր է նաև որոշակի հարցերի պարզաբանման համար լինի:
Ճեպազրույցները՝ Ռուզան ԽԱՉԱՏՐՅԱՆԻ
Հոդվածն ամբողջությամբ կարող եք կարդալ «Իրատես de facto» թերթի այսօրվա համարում
