Շիրակի մարզի ընդհանուր իրավասության դատարանի դատավոր Հարություն Մովսիսյանը վերսկսելով դատական նիստը, մերժեց դատական նիստի վայրը փոխելու մասին փաստաբանների ներկայացրած միջնորդությունը: Դա պատճառ դարձավ, որ փաստաբանները ինքնաբացարկի միջնորդություն ներկայացնեն եւ դատավորին, եւ դատախազին: Դատախազը հայտարարեց, որ ռազմաբազայում դատավարություն անցկացնելը չի խախտում նորմերը եւ ինքը համաձայն է այն շարունակել ռազմաբազայում: Կես ժամ ընդմիջում հայտարարվեց, որպեսզի փաստաբանները ձեւակերպեն ինքնաբացարկի միջնորդությունը:
Նշենք, որ Վալերի Պերմյակովը չհամաձայնեց դուրս գալ ճաղավանդակից, ասաց, որ վանդակում իրեն լավ է զգում:
Հիշեցնենք, որ Ավետիսյանների փաստաբանները միջնորդություն էին ներկայացրել այն մասին, որ Պերմյակովին պետք է հանել վանդակից՝ սա միջազգային դատավարական նորմերի խախտում է: Ըստ փաստաբանների՝ պետք է այնպես անել, որ հետագայում Պերմյակովը վիճարկելու ոչինչ չունենա, դա թանկ չնստի Հայաստանի Հանրապետության վրա:
Սակայն Պերմյակովը չհամաձայնեց դուրս գալ ճաղավանդակից:
Կարդացեք նաև
Նունե ԱՐԵՎՇԱՏՅԱՆ
