Ծխելը շատերի համար ոչ թե վատ սովորություն է, այլ հիվանդություն:
Հաճախ շատերից կարելի է լսել, որ ցանկանում են թողնել ծխելը, սակայն չեն կարողանում: Այսպիսի մարդկանց համար ժողովրդական բժշկությունը առաջարկում է հետեւյալ բաղադրատոմսերը.
1. 50 գրամ մանրացրած ակնախոտի վրա լցնել 1 լիտր ջուր, մարմանդ եփել 15 րոպե: 45 րոպե թողնելուց հետո քամել եւ այդ եփուկով օրվա մեջ մի քանի անգամ ողողել բերանի խոռոչը՝ 10-15 րոպե տեւողությամբ:
2. 300 գրամ վարսակի անհաս սերմերի վրա լցնել 1 լիտր օղի եւ 1 ամիս թրմել մութ տեղում: Խառնուրդը պարբերաբար թափահարել, որպեսզի ստացվի հագեցած թուրմ: Ընդունել օրը 3 անգամ, ուտելուց 30 րոպե առաջ, 15-ական կաթիլ եւ վրայից խմել մի կում ջուր:
3. Վարսակի, գարու, աշորայի, կորեկի հատիկները հավասար քանակությամբ խառնել, վերցնել 400 գրամ խառնուրդ եւ վրան լցնել 1 լիտր ջուր: Գիշերը թողնել տաք տեղում, առավոտյան 10 րոպե մարմանդ կրակի վրա եփել: Եփուկը լցնել թերմոսի մեջ, պահել 1 օր, ապա քամել: Ընդունել օրը 3-5 անգամ, կես բաժակ, ուտելուց 30-40 րոպե առաջ:
Պատրաստեց ԱՆՈՒՇ ՄԱԹԵՎՈՍՅԱՆԸ
«Առավոտ» օրաթերթ
16.01.2016
