Մի խումբ ազատամարտիկներ, Արցախյան պատերազմի վետերաններ, հիմնականում «Ազատամարտիկների դաշինք» կազմակերպության ներկայացուցիչներ երեկ հավաքվել էին Կենտրոն եւ Նորք-Մարաշ համայնքների ընդհանուր իրավասության դատարանի առջեւ:
Նրանք եկել էին բողոքելու իրենց մարտական ընկեր, «Տիգրան Մեծ» ջոկատի հրամանատար, «Եղվարդի մարզակոշիկների ֆաբրիկա» ընկերության հիմնական բաժնետեր Վլադիմիր Առաքելյանի հնարավոր կալանավորման դեմ: Հիշեցնենք, որ Վ.Առաքելյանը նախօրեին ձերբակալվել է Նորքում վնասազերծված Ա.Վարդանյանի զինված խմբի հետ առնչություն ունենալու կասկածանքով: Ըստ տեղեկությունների, Վ.Առաքելյանը հերքում է, թե նշված խմբի հետ կապ է ունեցել:
Ամեն դեպքում, դա պրոֆեսիոնալ իրավաբանների, տվյալ պարագայում, մի կողմից՝ նախաքննությունն իրականացնողների, մյուս կողմից՝ փաստաբանների ու, հասկանալի է, դատավորի պարզելիք հարց է: Ուստի ամենից առաջ պետք է հարգել անմեղության կանխավարկածը: Բայց, զուգահեռաբար, հետաքրքիր, եթե չասենք՝ ուշագրավ են «Ազատամարտիկների դաշինքի» ներկայացուցիչների, դատարանի առջեւ հավաքված հարգարժան ազատամարտիկների դիտարկումներն այս ամենի վերաբերյալ:
Օրինակ, ասվում է, թե Վ.Առաքելյանը, ու քանի որ գործով կան կալանավորված այլ անձինք, ովքեր ազատամարտի մասնակիցներ են, նաեւ նրանք, չէին կարող հանցագործություններ ծրագրել երկրի դեմ, որի պաշտպանության համար իրենց կյանքը չեն խնայել:
Պնդումը, թվում է, կուռ տրամաբանության մեջ է, իհարկե: Բայց այստեղ կարող են լինել նրբերանգներ: Նախ՝ ո՞վ է ասում, թե այդ անձինք, այսինքն՝ կալանավորված ու նաեւ ձերբակալված ազատամարտիկները Ա.Վարդանյանի նախատեսած (ըստ հրապարակված տեղեկությունների) հանցավոր գործողությունների ծրագրմանն են հենց մասնակցել: Ի վերջո, մասնակցության եւ առնչության տարբեր դրսեւորումներ կարող են լինել:
Կարդացեք նաև
Ա. ՀԱԿՈԲՅԱՆ
Հրապարակումն ամբողջությամբ՝ «Հայոց աշխարհ» թերթի այսօրվա համարում:
