Լեհերը հավատացյալ ու հոգեւոր առումով պահպանողական ժողովուրդ են, նրանց եկեղեցական բոլոր արարողությունների ժամանակ եկեղեցիներում ասեղ գցելու տեղ չկա: Պատարագներին անգամ գրկի երեխաներով են գալիս: Ամենահետաքրքիրն այն է, որ հունվարի կեսերին Վարշավայում եկեղեցիներում դեռեւս մնում են զարդարված տոնածառերը, նույնիսկ մի քանիսը: Ընդհանրապես տոնածառը զարդարելու ավանդույթը կապված է դրախտի` խնձորներով զարդարուն ծառի հետ: Դրախտում կենաց ծառը որպես կյանքի աղբյուր էր: Վարշավայի կենտրոնում գտնվող կաթոլիկ այս եկեղեցում զարդարված եղեւնին ընկալվում է որպես կենաց ծառի ներկայություն՝ մեր օրերում: Հայկական եկեղեցիներում զարդարված տոնածառը հաստատ միանշանակ չէր ընկալվի:
Լեհաստանի վերաբերյալ տպավորությունների մասին կարդացեք նաեւ այստեղ:
Լուսանկարը՝ ԳՈՀԱՐ ՀԱԿՈԲՅԱՆԻ
«Առավոտ» օրաթերթ
15.01.2016
