«Ես որեւէ տեղեկատվություն չունեմ, այդ երեխային չեմ ճանաչում: Բայց կարծում եմ, որ որեւէ քաղաքական ուժ իրավունք չունի երեխաներին դարձնել իր շահերը սպասարկող գործիք: Երեխաներին չի կարելի դարձնել քաղաքական գործընթացների մասնակից»,- Aravot.am-ի հետ զրույցում ասաց ԱԺ ՀՀԿ խմբակցության պատգամավոր, ԱԺ Մարդու իրավունքների պաշտպանության եւ հանրային հարցերի մշտական հանձնաժողովի նախագահի տեղակալ Մարգարիտ Եսայանը:
ԱԺ պատգամավորի հետ խոսել ենք 16-ամյա Հովհաննես Հարությունյանի մասին, որին, ըստ «Նոր Հայաստան» հանրային փրկության ճակատի տարածած հաղորդագրության , հունվարի 12-ի ուշ գիշերին Երեւանի Քանաքեռ թաղամասում գտնվող ոստիկանության հարակից տարածքում մոտեցել են երկու տղամարդ եւ ծեծել:
«Այդ ի՞նչ հայացքներ ունի այդ երեխան, որ իրեն այդքան կարեւորում է: Ես վստահ եմ, որ որեւէ իշխանության ներկայացուցիչ իրեն մատով չի կպել: Ես վստահ եմ, չեմ էլ կասկածում: Թե ով է նրան ծեծել, ինչ նպատակով, թող «Նոր Հայաստան»-ում պարզեն»,- ասաց Մարգարիտ Եսայանը:
Կարդացեք նաև
Հռիփսիմե ՀՈՎՀԱՆՆԻՍՅԱՆ
