Հայաստանի շախմատի ակադեմիայում շարունակվում է ՀՀ նախկին վարչապետ Անդրանիկ Մարգարյանի միջազգային վեցերորդ հուշամրցաշարը:
Ուժեղների խմբում խաղացված վեց տուրից հետո մրցաշարային աղյուսակը 4,5 միավորով գլխավորում է ռուսաստանցի միջազգային վարպետ Մաքսիմ Չիգաեւը: Հաղթողի կոչմանն արժանանալու եւ գրոսմայստերական բալ վաստակելու համար նրան հետապնդում են Ռուսաստանը ներկայացնող մեր հայրենակից, միջազգային վարպետ Դավիթ Պառավյանը, հայաստանցիներ, ՖԻԴԵ-ի վարպետ, մինչեւ 16 տարեկանների աշխարհի առաջնության բրոնզե մեդալակիր Հայկ Մարտիրոսյանը եւ միջազգային վարպետ Տիգրան Ս. Պետրոսյանը: Նրանք բոլորն էլ իրենց անվան դիմաց գրանցել են 3,5 միավոր:
ԱՇՈՏ ՀԱԿՈԲՅԱՆ
«Առավոտ» օրաթերթ
15.01.2016
