Սերժ Սարգսյանը երեկ ընդունել է ԱՄՆ ազգային անվտանգության խորհրդի Եվրոպայի գործերով պատասխանատու, Եվրոպայի հարցերով ԱՄՆ նախագահի գլխավոր խորհրդատու Չարլզ Կուպչանին: Հանդիպման ընթացքում Սարգսյանը խոսել է Հայաստանին անկախությունից ի վեր ցուցաբերված ամերիկյան աջակցության մասին՝ կարևոր համարելով Հայաստանի զարգացմանը, տարածաշրջանային անվտանգությանն ու կայունությանն ուղղված ամերիկյան ջանքերը: Նախօրեին Սերժ Սարգսյանն ընդունել էր Հայաստանում Եվրամիության դեսպան Պյոտր Սվիտալսկուն և խոսել Եվրամիության ցուցաբերած աջակցության կարևորության մասին: ԱՄՆ-ը և Եվրոպան ներկայումս դարձել են Սերժ Սարգսյանի հույսը, ընդ որում՝ երկու իմաստով:
ԱՄՆ-ն ու Եվրամիությունն են Հայաստանի տնտեսական կայունության գրավականը, և նրանց հատկացրած ֆինանսական միջոցներով է ներկայումս պահվում Հայաստանի ֆինանսատնտեսական կայունությունը: Իսկ տարածաշրջանային կայունությունը պահվում է ամերիկյան ջանքերով, որոնց շնորհիվ է, որ Ադրբեջանի ռազմական սադրանքները հնարավոր է լինում պահել ժամանակի և տարածության մեջ սեղմված, թույլ չտալով դրանց վերաճում լայնամասշտաբ պատերազմի: Նախօրեին, ԵԱՀԿ Մինսկի խմբի համանախագահ Ջեյմս Ուորլիքը հայտարարել էր, որ լայնամասշտաբ պատերազմը կավերի տարածաշրջանն, ու կարծում է, որ հակամարտող կողմերը գիտակցում են դա:
Սակայն, տարածաշրջանի խաղաղության և բարեկեցության գիտակցում կարող է ունենալ միայն այն կողմը, այն սուբյեկտը, որն իր մրցունակությունը կառուցել է ստեղծագործ մոտեցումների և տեխնոլոգիաների վրա, որի միակ կռվանը զենքը, սպառազինությունը չէ, այլ տնտեսությունը, տեխնոլոգիաները, նոր մտքերը, արժեքները: Եվ այս իմաստով տարածաշրջանում շահեր հետապնդող սուբյեկտների զգալի մասը հեռու է այս չափանիշներից: Մասնավորապես, այս չափանիշներից հեռու են Ադրբեջանը, Ռուսաստանը, Թուրքիան, որոնց համար տարածաշրջանային ազդեցության կռվան է մնացել ապակայունացման սպառնալիքը և այս միջոցով է, որ նրանք փորձում են իրենց տեղն ու դերը պահպանել տարածաշրջանում:
Կարդացեք նաև
Մուսա Միքայելյան
Հոդվածն ամբողջությամբ կարող եք կարդալ «Ժամանակ» թերթի այսօրվա համարում
