Տիգրան Պետրոսյանի անվան շախմատի տանը Հայաստանի բարձրագույն կանանց 71-րդ առաջնության հաղթողի կոչման համար պայքարում են տասը շախմատիստներ:
Խաղացված երեք տուրերում առանց միավորի կորստի է հանդես գալիս կանանց միջազգային վարպետ Մարիա Գեւորգյանը (նկարում), որը 3,0 միավորով վստահ գլխավորում է մրցաշարային աղյուսակը: Նրանից մեկ միավոր պակաս են վաստակել Սուսաննա Գաբոյանն ու Արփինե Գրիգորյանը:
Այսօր՝ 4-րդ տուրում Մարիան սպիտակներով խաղում է Արփինե Գրիգորյանի, իսկ Հայաստանի գործող չեմպիոնուհի Սուսաննա Գաբոյանը սեւերով հանդիպում է կանանց միջազգային վարպետ Նարինե Գասպարյանի հետ:
Աշոտ ՀԱԿՈԲՅԱՆ
