Վաղ առավոտյան կարելի է տեսնել Սեւանում գիշերային ձկնորսությունից վերադարձող նավակներ: Ձկնորսները գիշերային ձկնորսության են դուրս գալիս, որպեսզի իրենց չնկատեն: Գիշերային ձկնորսությունը վտանգավոր է: Օրինակ, անցած գիշեր Սեւանա լճում ուժգին քամի է եղել: Ծովագյուղի տարածքում, միջպետական ավտոճանապարհի եզրին Սեւանի Սիգի մեկ հատը ներկայումս վաճառվում է 800-1000 դրամով:
ՀՀ բնապահպանության նախարար Արամայիս Գրիգորյանը 2015թ. նոյեմբերի 4-ին ստորագրել է «Սևանա լճում ձկան բնական վերարտադրության ժամանակահատվածում իրականացվող միջոցառումների մասին» հրամանը: Ըստ այդմ` Իշխան և Սիգ ձկնատեսակների ձվադրման ժամանակահատվածում ձկների բնական վերարտադրությունն ապահովելու նպատակով 2015թ. նոյեմբերի 20-ից մինչև դեկտեմբերի 25-ը և 2016թ. հունվարի 6-ից մինչև հունվարի 20-ը ժամանակավորապես արգելվում է Սևանա լճում ու լիճ թափվող գետերում ձկան, նաև` խեցգետնի որսը:
Բնապահպանության նախարարությունը հավաստիացրել է, որ նշված ժամանակահատվածում շրջիկ հսկողություն կիրականացվի Սևանա լճի առափնյա տարածքներում ու գետաբերաններում, կկազմակերպվեն ստուգայցեր Սևանա լճի վրա, լիճը գոտեվորող մայրուղիներում, քաղաքային շուկաներում, Սևանա լիճ թափվող գետերի վրա:
Ոսկան ՍԱՐԳՍՅԱՆ
Կարդացեք նաև
Լուսանկարը՝ Նազիկ ԱՐՄԵՆԱԿՅԱՆԻ/Armenianow.com
