Ռուսաստանի Դաշնության վարչապետ Դմիտրի Մեդվեդեւը կոչ է արել պատրաստվել իրադարձությունների զարգացման բացասական սցենարին՝ նավթի գների շարունակական անկման պայմաններում: Այդ մասին նա հայտարարել է 7-րդ Գայդարյան ֆորումի շրջանակներում՝ Ռուսաստանի ժողովրդական տնտեսության եւ պետական ծառայության ակադեմիայում (РАНХиГС), հաղորդում է Gazeta.Ru-ն:
«Կուտակված պաշարները թուլ են տվել հավասարակշռել ընթացիկ տարվա բյուջեն. Սակայն եթե նավթի գները հետագայում էլ ընկնեն, ապա բյուջեի պարամետրերը փոփոխություններ կպահանջեն: Դա պետք է հասկանալ, պետք պատրաստվել վատթարագույնին»,- ասել է նա:
ՌԴ կառավարության ղեկավարը նաեւ հավելեց, որ տվյալ պահին անհրաժեշտ է ընտրել բյուջեի օպտիմալացման առավել արդյունավետ ձեւը:
«Մեր քաղաքականության հիմնական սկզբունքը պետք է մնա նույնը. ապրել միջոցներին համապատասխան, այդ թվում՝ բյուջետային ծախսերի, պետական ապարատի պահպանման ծախսերի կրճատման, պետական ակտիվների մասնավորեցման ճանապարհով»,- հայտարարեց ՌԴ վարչապետը:
Կարդացեք նաև
Ավելի վաղ Դմիտրի Մեդվեդեւը հայտարարել էր, որ Ռուսաստանը երբեք չէր բախվել տնտեսության այսքան հզոր, միաժամանակյա մարտահրավերների, ինչպես հիմա:
