«Դա իր անձնական որոշումն էր, կարող էր և հրաժարական չտալ»,- այսօր «Հենարան» մամուլի ակումբում մեկնաբանելով ՀՀ ՄԻՊ Կարեն Անդրեասյանի հրաժարականն, ասաց ԲՀԿ խմբակցության պատգամավոր Միքայել Մելքումյանը: «Ընդունենք, թե այդ՝ մարդու իրավունքների պաշտպանի գրասենյակը չկա. մեր երկրում շա՞տ բան է փոխվում»,- հարց հնչեցրեց բանախոսը՝ ինքն էլ պատասխանելով. «Կարծում եմ շատ բան չի փոխվում»:
Լրագրողները հետաքրքրվեցին` որոշ ՀՀԿ-ական երիտասարդների քննադատություններն ինչ-որ կերպ կապ ունեի՞ն Կարեն Անդրեասյանի հրաժարականի հետ: Միքայել Մելքումյանը պատասխանեց. «Հետո ի՞նչ, որ քննադատում են: Կարող էր հրաժարական չտալ: Մարդիկ հրաժարական էլ կտան, նորերն էլ կգան, որևէ խնդիր չեմ տեսնում, շատ մի կարևորեք»:
Նելլի ԳՐԻԳՈՐՅԱՆ
