Սյունիքի մարզպետ Սուրիկ Խաչատրյանի մահափորձի գործով մեղադրյալ Գարեն Աթաջանյանի շահերը, պարզվում է, վերջին 2 ամիսներին պաշտպանում է եւս մեկ փաստաբան՝ Մհեր Բադալյանը։
Գարեն Աթաջանյանի անունը վերջին շրջանում մամուլում ավելի շատ է հոլովվում, փաստաբան Հայկ Ալումյանը հայտարարել էր, թե վերջինիս հակում են իրականությանը չհամապատասխանող կեղծ ցուցմունք տալ Արա Բուդաղյանի դեմ, որի դիմաց նրան խոստացել են ազատ արձակել։
Մհեր Բադալյանից հետաքրքրվեցինք, թե ինչպես է իր պաշտպանյալի առողջությունը, միաժամանակ խնդրեցինք մեկնաբանել վերոհիշյալ հայտարարությունները։
Հասցրինք միայն տեղեկանալ, որ իր պաշտպանյալի առողջական վիճակը նորմալ է, իսկ մնացյալի մասով. «Առաջինը՝ ես Հայկ Ալումյանի հայտարարությունների վերաբերյալ որեւէ նորություն չունեմ, չեմ լսել, չեմ կարդացել, եւ ընդհանրապես, առավել եւս այս գործի շրջանակներում, ինձ չի հետաքրքրում, թե ինչ հայտարարություններ է տալիս։ Գործը գտնվում է նախաքննության փուլում, ես մի քանի անգամ տարբեր լրագրողների հայտնել եմ, որ նախաքննության փուլում որեւէ մեկնաբանություններ, պատճառաբանություններ կամ որեւէ բաներ չեմ կատարում։ Ինչ են ասում, ոնց են ասում, Հայկ Ալումյանը հայտարարություն կարող է անել, իր իրավունքն է, ուզում է օրը 3 անգամ հայտարարություն անի, ի՞նչ կապ ունի դրա հետ, որ զանգում եք՝ ինձանից հայտարարության վերաբերյալ կարծիք եք հարցնում»:
Կարդացեք նաև
Սիրան ՀՈՒՆԱՆՅԱՆ
Հոդվածն ամբողջությամբ կարող եք կարդալ «Հրապարակ» թերթի այսօրվա համարում
