Հունգարիայի, Չեխիայի եւ Սլովակիայի հոգեւոր հովիվ հայր Բարսեղ վարդապետ Փիլավչյանից «Առավոտը» հետաքրքրվեց՝ հայկական Սուրբ Հոգի եկեղեցու համար հե՞շտ է «ապրել» հրեական երկու սինագոգների արանքում՝ ճիշտ Պրահայի կենտրոնում: Հայր սուրբը ժպտալով պատասխանեց. «Կարծում եմ՝ այդ հարցն իրենց պետք է տալ, որովհետեւ մենք արդեն լավ տեղավորվել ենք»:
Ըստ հայր Բարսեղի՝ այն տեղեկությունը, որ 14-րդ դարում կառուցված Սբ. Հոգի կաթոլիկ եկեղեցին անժամկետ օգտագործման իրավունքով փոխանցվելու է Հայ Առաքելական եկեղեցու Սբ. Գրիգոր Լուսավորիչ ծխական համայնքին, տեւական ժամանակ գաղտնի է պահվել, այլապես կարող էին խանգարել: Հայ հոգեւորականը հավաստիացրեց, որ Պրահայում եկեղեցի ունենք՝ շնորհիվ Չեխիայի կաթոլիկ եկեղեցու առաջնորդ, Պրահայի արքեպիսկոպոս, կարդինալ Դոմինիկ Դուկայի հետ լավ հարաբերությունների ու հայանպաստ գործունեության:
Կարդացեք նաև
«Առավոտ» օրաթերթ
12.01.2016
