ՀՀ փոխարտգործնախարար Շավարշ Քոչարյանն օրերս «Ազատություն» ռ/կ-ին տված հարցազրույցում նշել էր, որ եթե ՀԱՊԿ անդամ երկրները ցանկանում են ունենալ ոչ թե ձեւական, այլ ազդեցիկ կառույց, ուրեմն պետք է առաջնորդվեն կազմակերպության պայմանագրով, ապա հավելել էր. «ՀԱՊԿ-ը պետք է արձագանքեր մեկ տարի առաջ Ղարաբաղում հայկական ուղղաթիռի կործանմանը այնպես, ինչպես արձագանքեց թուրքական ուժերի կողմից ռուսական ինքնաթիռի խոցմանը»:
Շավարշ Քոչարյանի մեկնաբանությունները՝ «Ազատություն» ռ/կ-ի տեսանյութում
«Առավոտ»-ի հետ զրույցում «Ջեյմսթաուն» հիմնադրամի հոդվածագիր, քաղաքագետ Արմեն Գրիգորյանն այսպես հակադարձեց. «Խնդիրը հենց այն է, որ ՀԱՊԿ-ը «ազդեցիկ ռազմաքաղաքական կառույց» չէ, այլ հենց ձեւական է, քանի որ ի սկզբանե դրա ստեղծման միակ պատճառը եղել են ոչ թե անդամ երկրների ընդհանուր շահերը, այլ Ռուսաստանի հիվանդագին մեծապետական ամբիցիաները: ՀԱՊԿ-ի անդամներն ընդհանուր շահեր չունեն, հաճախակի նաեւ իրար հակասող շահեր ունեն: Ադրբեջանի նկատմամբ կոշտ քայլերի մասին խոսք լինել չի կարող, որովհետեւ դա ուղղակի հակասում է ՀԱՊԿ-ի անդամների շահերին»:
Կարդացեք նաև
«Առավոտ» օրաթերթ
12.01.2016
