Ամանորի գիշերը կալանավորված «Նոր Հայաստան» նախաձեռնության անդամ Գեւորգ Սաֆարյանի խափանման միջոցը փոխելու համար, նրա շահերի պաշտպան Տիգրան Հայրապետյանը, հավանաբար, վաղը կդիմի ՀՀ գլխավոր դատախազին: Մեզ հետ զրույցում Տիգրան Հայրապետյանն ասաց, որ գլխավոր դատախազին ուղղված դիմումն արդեն պատրաստ է, բայց իրենք սպասում են վերաքննիչ դատարանի որոշմանը:
Գեւորգ Սաֆարյանը, հիշեցնենք, գտնվում է «Նուբարաշեն» քրեակատարողական հիմնարկում: Նա ձերբակալվել էր Ամանորի գիշերը, ոստիկանի նկատմամբ բռնություն կիրառելու կասկածանքով: Իսկ հունվարի 3-ին դատարանը նրա նկատմամբ որպես խափանման միջոց նշանակեց կալանքը: Գեւորգ Սաֆարյանի կալանավորման որոշումն արդեն իսկ բողոքարկվել է ՀՀ վերաքննիչ դատարանում:
Ինքը` Գեւորգ Սաֆարյանն իրեն քաղբանտարկյալ է համարում:
Նելլի ԳՐԻԳՈՐՅԱՆ
Կարդացեք նաև
