Նավթը 7 օր անընդմեջ շարունակում է էժանանալ: Երեքշաբթի օրը սեւ ոսկին կրկնեց հերթական 12-ամյա մինիմումները՝ Չինաստանում հումքի պահանջարկի վերաբերյալ մտահոգությունների ֆոնին: Այդ մասին հաղորդում է գործարար նորությունների Investing.com կայքը:
Տեխասյան WTI նավթի փետրվարյան ֆյուչերսները Նյու-Յորքի ապրանքային բորսայում (NYMEX) Երեւանի ժամանակով 10:42 դրությամբ ընկել են 2,5 տոկոսով՝ մինչեւ $30,6 մեկ բարելի դիմաց: Այդպիսի ցածր ցուցանիշներ վերջին անգամ WTI-ն ունեցել է 2003-ի դեկտեմբերին:
Brent մակնիշի նավթի փետրվարյան ֆյուչերսները Լոնդոնի ICE Futures բորսայում ընկել են 2,88-տոկոսով՝ մինչեւ $30,64 մեկ բարելի դիմաց:
