2016 թվականի հունվարի 9-ին «Քաղաքացիական պայմանագիր» կուսակցության կենտրոնական գրասենյակում տեղի ունեցավ քաղաքական խորհրդի նիստ, որի ընթացքում քննարկվեցին 2017 թվականի խորհրդարանական ընտրությունների նախապատրաստության հետ կապված հարցեր:
Նիստի ընթացքում կայացվեցին հետեւյալ որոշումները.
1. «Քաղաքացիական պայմանագիր» կուսակցության անդամները կարող են ինքնաառաջադրվել Կուսակցության համամասնական ցուցակում ընդգրկվելու համար եւ/կամ առաջադրել Կուսակցության եւս մեկ անդամի:
2. «Քաղաքացիական պայմանագիր» կուսակցության անդամ չհանդիսացող անձինք չեն կարող առաջադրվել կուսակցության համամասնական ցուցակում ընդգրկվելու համար: Կուսակցության համամասնական ցուցակում ընդգրկվելու համար կարող են առաջադրվել մինչեւ 2016 թվականի դեկտեմբերի 31-ը կուսակցությանն անդամագրված անձինք:
Կարդացեք նաև
3. Առաջադրված թեկնածուների գրանցումն իրականացնելու է Կուսակցության վարչությունը՝ յուրաքանչյուր թեկնածուի վերաբերյալ կայացնելով առանձին որոշում: Սահմանվեց՝ առաջադրման վճար՝ 50 հազար դրամի չափով, որը պարտավոր են վճարել առաջադրված թեկնածուները:
4. Կուսակցության համամասնական ցուցակում թեկնածուների հերթականությունը որոշվելու է կուսակցության՝ հատուկ այդ նպատակով հրավիրված համաժողովում՝ ռեյտինգային քվեարկությամբ:
«Քաղաքացիական պայմանագիր» կուսակցության քաղաքական խորհուրդ
