Այսօր հունվարի 7-ին համաշխարհային առեւտրային հարթակներում նավթի գինը կտրուկ անկում է արձանագրել: Հյուսիսային ծովում արդյունահանվող Brent մակնիշի նավթը կորցրել է իր գնի ավելի քան 4% եւ վաճառվում է հրապարակման պահին մեկ բարելի դիմաց $32,85, տեխասյան WTI մակնիշի թեթեւ նավթը՝ $32,62: Սա նվազագույն գնային մակարդակն է, սկսած 2004թ:
ВВС-ն նշում է, որ անկումը տեղի է ունենում չինական ֆոնդային շուկայի փլուզման ֆոնին:
Այսօր ինդեքսների 5-տոկոսանոց անկումից հետո Չինաստանի իշխանությունները ստիպված էին 15 րոպեով դադարեցնել երկրի առանցքային ֆինանսական շուկաների աշխատանքը: Աշխատանքի վերսկսումից հետո անկումը շարունակվեց, եւ իշխանոությունները ստիպված էին կասեցնել Շանհայի եւ Շենչժանի բորսաների աշխատանքն արդեն մինչեւ օրվա վերջ:
Շաբաթվա սկզբից չինական շուկայում սա արդեն երկրորդ կասեցումն է: Shanghai Composite ինդեքսը 2016-ի սկզբից արձանագրել է 12-տոկոսանոց անկում:
Կարդացեք նաև
Յուանի կուրսը հայտնվեց վերջին հինգ տարվա նվազագույն մակարդակի վրա՝ 6,5 յուան մեկ դոլարի դիմաց:
Չինական ֆոնդային շուկային հետեւեց փլուզումը համաշխարհային ֆինանսական հարթակներում: Չորեքշաբթի անկում դրսեւորեցին ամերիկյան եւ եվրոպական ինդեքսները:
Ռուսական ռուբլին, որը սերտորեն կապված է նավթի գների հետ, նույնպես էժանացավ. դոլարի կուրսը գերազանցեց 75 ռուբլին:
